തലപ്പലം
ഗ്രാമ പഞ്ചായത്ത്

കോട്ടയം ജില്ലയിലെ ഈരാറ്റുപേട്ട ബ്ലോക്ക് പഞ്ചായത്തിന്റെ പരിധിയിൽ ഉൾപ്പെടുന്ന തലപ്പലം ഗ്രാമപഞ്ചായത്ത് 29.92 ചതുരശ്ര കിലോമീറ്റർ വിസ്തീർണ്ണമുള്ള ഒരു തദ്ദേശസ്വയംഭരണ സ്ഥാപനമാണ്. പഞ്ചായത്തിൽ ആകെ 14 വാർഡുകൾ നിലവിലുണ്ട്. തലപ്പലം, ഈരാറ്റുപേട്ട എന്നീ രണ്ട് വില്ലേജുകളാണ് പഞ്ചായത്തിന്റെ പരിധിയിൽ ഉൾപ്പെടുന്നത്. പഞ്ചായത്തിന്റെ ഭരണകേന്ദ്രം പ്ലാശനാലിൽ പ്രവർത്തിക്കുന്നു.

പഞ്ചായത്തിന്റെ ആകെ ജനസംഖ്യ 13,361 ആണ്. ഇതിൽ 6,638 പുരുഷന്മാരും 6,723 സ്ത്രീകളുമാണ്. പട്ടികജാതി വിഭാഗത്തിൽ 642 പേരും പട്ടികവർഗ വിഭാഗത്തിൽ 99 പേരും ഉൾപ്പെടുന്നു. പഞ്ചായത്തിന്റെ സാക്ഷരതാ നിരക്ക് 88.83% ആണ്. സ്ത്രീ-പുരുഷ അനുപാതം ഏകദേശം 1 : 1 ആണ്.

ഭരണപരമായി തലപ്പലം ഗ്രാമപഞ്ചായത്ത് കോട്ടയം ജില്ലാ പഞ്ചായത്തിലെ പൂഞ്ഞാർ ഡിവിഷനിലും, ഈരാറ്റുപേട്ട ബ്ലോക്ക് പഞ്ചായത്തിലെ പ്ലാശനാൽ, തലപ്പലം, കളത്തൂക്കടവ് എന്നീ മൂന്ന് ബ്ലോക്ക് ഡിവിഷനുകളിലുമായി ഉൾപ്പെടുന്നു. പഞ്ചായത്ത് പാലാ നിയമസഭാ മണ്ഡലത്തിന്റെയും കോട്ടയം ലോക്സഭാ മണ്ഡലത്തിന്റെയും ഭാഗമാണ്.